Bulqiza Online

Zyrtare: Robinho, lojtar i Milanit

admin — Tue, 31 Aug 2010 23:00:49 +0000

Robinho ju bashkangjit sot Milanit për të kompletuar aktivitetin e tyre të vonshëm në këtë merkato verore. Milan ka kompletuar transferimin e Robinhos nga Mançester Siti me kontratë katër vjeçare- konfirojnë burime nga klubi milanist në webfaqen e tyre zyrtare.

Futbollisti ka përfunduar kontrollin medicinal dhe Milani do të paguajë shërbimet e tij për shumën prej 18 Milionë Euro bonus edhe pse vlera nuk ishte caktuar zyrtarisht në marveshje. ”Unë jam tashmë një futbollist i Milanit”-citon ai për të përditshem italiane Sky Sport duke konfirmuar zhvendosjen e tij nga City në San Siro. Robinho kompleton së bashku me Ronaldinjon,Ibrahimoviç e Paton njërin ndër sulmet më të mira në Europë për këtë sezon. /Bulqiza Online/

Zyrtare: Ibra tek Milan

admin — Tue, 31 Aug 2010 22:42:22 +0000

Milani përfundimisht ka arritur marëveshjen me Barcelonën për transferimin e sulmuesit suedez Zlatan Ibrahimovic në San Siro. ”Ne jemi pajtuar për huazimin e Ibrahimovic te Milani, me të drejtën e blerjes së lojtarit me vlerën e 24 milionë Eurosh (30.53 milionë dollar) -shprehet drejtori ekzekutiv i Milanit Adriano Galliani. ”Ai do të bëjë vizitat mjekesore të hënën dhe do të nënshkruajë kontratë katër-vjeçare me Milanin”- deklarojnë burime nga klubi milanist. /Bulqiza Online/

Anjeza: Skenat sensuale të klipit, me të dashurin

admin — Tue, 31 Aug 2010 22:30:12 +0000

Këngëtarja Anjeza Branka ka prezantuar këto ditë këngën e saj të re “Ani Ani”. Një këngë ku si fabul ka protestën e një femre që nuk do të ndihet e nënshtruar nga i dashuri, por vajza rebelohet dhe ia kthen me të njëjtën monedhë të dashurit duke iu përkushtuar dëshirave të saj. Klipi përshkruan idenë e këngëtares ku ajo në fillim shfaqet si kamioniste dhe më tej hipën mbi kamion ku heq dhe uniformën e punës për t’u shfaqur vetëm me të brendshme. Më tej klipi zhvillohet në një jaht ku këngëtarja si protagonist ka zgjedhur pikërisht të dashurin e saj. “Ideja për të zgjedhur të dashurin erdhi spontane, pasi më duhej një mashkull, dhe me kë më mirë se me atë mund t’i xhiroja ato skena ku më duhet të përkëdhelesha apo edhe të puthesha”, – tregon Branka. Ndërsa për sa i përket ngjashmërisë në fabul, ajo është shumë larg marrëdhënies së këngëtares, sipas saj dhe nuk ka asnjë ngjashmëri me të. Branka e cila është edhe nënë, pasi ka një djalë shfaqet në formë shumë të mirë trupore, ndërsa në fotot që ju sjellim duket vërtetë seksi! (Bluetooth) /Bulqiza.Net/

Një Suitë në fund të detit

admin — Tue, 31 Aug 2010 22:18:44 +0000

Deti në një dhomë me shumë peshq tropical dhe uji të pastër si kristali. Eshtë kjo oferta që vjen nga resorti Conrad, në ishujt Rangali në Maldive, e rezervuar që prej këtij viti për ciftet në muajn e mjaltit. Një suitë martesore e gjitha në të kaltër të thellë si ngjyra e Oqeanit Indian. Cmimi për momentin është akoma top sekret, por për kë do ta provojë eksperiecën, në këtë dhomë mund të flihet vetëm një natë përfshirë mëngjesin dhe shampanjën gjithashtu, Stafi i resortit këshillon të prenotoni të paktën dy javë përpara./Bulqiza.Net/

2011 Volkswagen Lavida 1.4 TSI

admin — Sat, 28 Aug 2010 13:36:06 +0000

Volkswagen vazhdon me freskimin e gamës së saj, kështu që paleta e modelit Lavida është zgjeruar me version të ri. Ky është Lavida 1.4 TSI me 125 kuaj fuqi, sistem Stop & Start dhe transmision DSG me pedale të dyfishtë, që sipas të dhënave të fabrikës, harxhon 5.1 litra në 100 km.

Ky variant nga Lavida-t standarde dallon edhe nga pamja vizuale dhe atë për nga shtëpizat e dritave të përparme, grilës së përparme, spojlerët dhe fellnet e reja nga alumini, por edhe materiale më kualitative në kabinë. Po ashtu, në të gjitha Lavida-t për vitin 2011, përfshihen ehe motorët 1.6L dhe 2.0L si dhe kontrolli automatik i stabilitet. /Bulqiza.Net/

Facebook vlen 33 miliard dollarë

admin — Sat, 28 Aug 2010 13:32:53 +0000

Facebook tani ka një vlerë prej 33.7 miliardë dollarë, pasi që investitorët kanë paguar deri në 76 dollarë për një aksion në këtë kompani, para se të bëjë ajo kalimin në tregun e aksioneve. Financial Times ka thënë se vlerësimi nënkupton që Facebook tani ka një vlerë më të madhe sesa gjigantët teknologjik si eBay dhe Yahoo!< që kanë në vlerë tregu prej 30.1 miliard dollarë dhe 18.3 miliardë dollarë.

David Gelles, një reporter për The Financial Times shkroi: Aksionet e zakonshme në Facebook po tregtohen për një çmim prej 76 dollarë për aksion pasi që investitorët janë duke u munduar mes vet që të arrijnë të kapin një pjesë të kompanisë para se ajo të futet në ofertë publike, për të cilën analistët thonë se mund të jetë IPO-ja më e madhe teknologjike qysh prej flotacionit prej 1.67 miliard dollarë të Google në vitin 2004.

“Gjersa Facebook dhe kompani tjera të suksesshme si Twitter, LinkedIn dhe Zynga, janë duke vendosur IPO-të e tyre sepse kanë perceptuar një apetit të dobët në tregjet publike, disa investitorë nuk janë duke përmbajtur pritjen. Ata po blejnë aksione në kompani teknologjike gjersa ato janë ende private, duke shpresuar se IPO-të e tyre eventual do të dërgojnë çmimet e aksioneve edhe më lartë”.

Facebook, që ka regjistruar anëtarin e saj numër 500 milion gjatë muajti të kaluar, është momentalisht duke u financuar përmes një përzierje firmash investimi dhe ndërmarrjeve kapitale. Ende nuk dihet se kur do të paraqitet kompania për bursë, por ka gjasa që kjo të mos ndodh para vitit 2011./Bulqiza.Net/

Liga e Kampionëve, ja grupet

admin — Sat, 28 Aug 2010 13:25:57 +0000

Kampioni aktual europian Inter do të luajë në fazën e parë të Ligës së Kampionëve me Verderin, Totenhemin dhe Twenten. Të enjten në Monako është hedhur shorti për fazën grupore të Ligës së Kampionëve, ku takimet e para zhvillohen më 14 dhe 15 shtator, ndërsa përfundon më 7 dhe 8 dhjetor.

Dy ekipet e para nga secili grup do të plasohen në fazën e dytë, derisa ekipi i tretë vazhdon garat në Ligën Evropa. Ekipi i katërt përfundon garat në Evropë.

Përbërja e grupeve:

Grupi A: Inter, Verder, Totenhem, Tvente

Grupi B: Olimpik Lion, Benfika, Shalke, Hapoel Tel Aviv

Grupi C: Mançester Junajted, Valencia, Glasgou Renxhers, Buraspor

Grupi D: Barcelona, Panathinaikos, Kopenhaga, Rubin Kazanj

Grupi E: Bajern Munih, Roma, Bazel, Kluz

Grupi F: Çelzi, Olimpik Marsej, Spartak Moska, Zhilina

Grupi G: Milan, Real Madrid, Ajaks, Okser

Grupi H: Arsenal, Shahtor, Braga, Partizan

/Bulqiza.Net/

Del në treg nëndetësja peshkaqen

admin — Sat, 28 Aug 2010 01:32:12 +0000

I ngjan deri në detajet më të vogla peshkaqenit. E kjo në fakt është një nëndetëse e avancuar, e cila sapo ka dal në treg në SHBA. Ky model ka një motor prej 260 kuaj fuqi, ndërsa mund të udhëtojë mbi ujë me një shpejtësi prej 80 kilometra në orë, e nën të përgjysmë me pak.

Ajo që është më interesantja është se makina mund të imitojë mimikën e kafshëve reale, si ato të peshkaqenëve e delfinëve. Pos kësaj, nëndetësja ka edhe videokamera që transmetojnë pamje live për shoferin por edhe pasagjerët tjerë, si dhe një Ipod. Ky lloj i peshkaqenit të hekurt është një edicion i limituar, dhe kompania Innespace do të prodhojë vetëm dhjetë të tilla. /Bulqiza.Net/

Oficeri francez, që deshi ta bënte Pogradecin si Venecia

admin — Sat, 28 Aug 2010 01:25:59 +0000

Qyteti i Pogradecit i ngjante me Venecian një oficeri të ushtrisë franceze. I ardhur me shërbim gjatë Luftës së Parë Botërore, Albert Gariku u “dashurua” me qytetin buzë liqenit. Ai jo vetëm që u bë banor i Pogradecit, por krijoi miqësi me pogradecarët dhe tërë dijet e tij në fushën e ndërtimit filloi t’i vinte në shërbim të këtij qyteti. Gariku së bashku me të shoqen, Viktorinë, lindën në Pogradec tre fëmijë; Madelonë, Edmondin dhe Renonë, të cilët i ka pagëzuar në kishën e qytetit. Të moshuarit tregojnë se oficeri ishte i pari që solli nga Franca rrjeta peshkimi dhe varka metalike me motor. Pas shumë vitesh (në prill të ’88-ës) Edmond Gariku solli në Shqipëri projektin e babait të tij për qytetin e Pogradecit e që titullohej: “Pogradeci-Venecia e Ballkanit). Ky projekt nuk u bë publik në kohën e diktaturës.
OFICERI FRANCEZ
Albert Gariku erdhi në qytetin e Pogradecit gjatë Luftës së Parë Botërore si oficer i ushtrisë franceze. Ai me profesion ka qenë ekspert dhe projektues ndërtimesh. Bukuria e liqenit dhe qyteti i bukur në breg të tij lanë mbresa të veçanta tek oficeri francez, i cili mendoi të jetonte në këtë vend. Ai ndërtoi në breg të liqenit një vilë të bukur dykatëshe, e cila është prishur në vitet ’70, atje ku sot ndodhet hotel-turizmi “Enkelana”. Të gjithë pogradecarët i thoshin ‘shtëpia e Garikut’. Gjatë qëndrimit në Pogradec francezi hartoi dhe një projekt për këtë qytet.
PROJEKTI
Fillimisht, Albert Gariku projektoi rrugën buzë liqenit deri tek spitali i vjetër i Pogradecit (bulevardi kryesor aktual i qytetit). Më pas ai projektoi rrugën nga këmbët e kalasë deri tek sheshi i autobusëve, e cila është paralele me të parën.
Mbi këto dy rrugë oficeri dhe njëkohësisht projektuesi francez, projektoi pesë rrugë përpen-dikulare, të cilat zbulojnë panoramën e liqenit dhe që andej mund të shikoje kurorën e kodrave me gështenja. Kështu, rruga e parë ishte planifikuar ku ndodhet sot rruga “Rinia”; e dyta tek këmbimi i valutës, rruga e tretë përbri gjykatës së qytetit; rruga e katërt, tek ‘Qafa e Pazarit’ dhe rruga e pestë, përbri Lumit të Madh të qytetit.
Francezi parashikonte që ta ngrinte spitalin e qytetit tek “Qoshku”, një vend piktoresk në kodrat e gështenjave pranë lagjes “Goricë”. Gjithashtu, projekti i francezit ishte që ujërat e zeza të qytetit të largoheshin me tuba çeliku në drejtim të ‘Blatës së Zagorçanit’ dhe të hidheshin në kanale të thellë të ‘Blatës’ (duke kaluar nëpër torfën e ‘Blatës’ në një distancë prej 3 km larg bregut të liqenit, ato janë krejt të padëmshme). Projekti kishte plot surpriza, gjithashtu edhe për dy lumenjtë që ka qyteti: Lumin e Madh dhe lumin e Vërdovës. Nga Gariku ishte planifikuar që këta dy lumenj të thelloheshin nën nivelin e ujit të liqenit dhe pasi të hynin ujërat e liqenit në këta dy lumenj, më pas me kanale të gjëra dhe të thella të lidheshin nga kodrat lart me njëri-tjetrin dhe të bëheshin të lundrueshëm duke vozitur nëpër qytet me varka, si në Venecia. Për kalanë e bukur, të mbushur me vreshta që e ka qyteti si kurorë, francezi kishte projektuar një kamping të madh pushimi dhe që andej të zbrisje direkt në liqen nëpërmjet një teleferiku me shina hekuri. Pjesa tjetër e projektit kishte të bënte me ndërtimet që do të kryheshin në qytet. Ato duhej të ngriheshin në funksion të pesë rrugëve dhe ndërtimet duhej të fillonin në një distancë nga bregu i liqenit. I tërë bregu do të kishte ndërtime vetëm në pjesën e sipërme të rrugës, ku do të kishte ndërtesa të ulëta që do të fillonin njëkatëshe në brezin e parë, dykatëshe në brezin e dytë, trekatëshe dhe do të rriteshin katet gradualisht pas largimit nga bregu shkallë-shkallë, deri në kodrat e qytetit. Dhe nga çdo pozicion i qytetit të shikoje pasqyrën e liqenit si një skenë të madhe të këtij amfiteatri. “Nga i gjithë ky plan, babai ndërtoi bulevardin kryesor të qytetit, kinemanë e qytetit, shtëpinë tonë që u prish me kalimin e viteve dhe centralin elektrik”, – ka pohuar Edmond Gariku.
LARGIMI
Kur u bind se nuk mund të realizonte projektin e tij, Albert Gariku u largua nga Pogradeci (viti 1933) familjarisht për në qytetin e tij të lindjes, në Perpingan të Francës. Oficeri francez mori me vete kujtimet më të bukura për Pogradecin dhe miqësinë e sinqertë të banorëve të tij. I biri, Edmondi erdhi dy herë të tjera në Pogradec, duke i falur qytetit projektin “Pogradeci-Venecia e Ballkanit”. /Bulqiza.Net/

Spanjë, ‘Lufta‘ me domate që tërheq cdo vit 40 000 njerëz

admin — Sat, 28 Aug 2010 01:20:10 +0000

Një luftë e vërtetë me domate apasionon cdo vit rreth 40000 persona. Është ajo që bëhet në Bunol, një vend i vogël që ka rreth 9 mije banorë, në rajonin e Valencias në Spanjë. La Tomatina është emir i manifestimit dhe është një takim tradicional që zhvillohet që prej viteve 40’. Tonelata të tëra me domate të pjekura janë ‘municionet’ kryesore që ngjyrosin cdo vit rrugët e qytetit. /Bulqiza.Net/