Kanë kaluar disa javë që kur janë diskutuar problemet në lidhje me antenën marrëse të iPhone 4, ndërsa tani flitet iPhone 4 më nuk do të përballet me këto probleme pas datës 30 shtator, pasi nga kjo datë do të ofrohen pajisje të reja që nuk kanë probleme me pranimin e sinjalit.
Raportohet se kompania Apple tashmë ka zgjidhur këtë problem, ndërsa edhe pajisjet e shitura deri më tani, do të mund të evitojnë problemin, përmes disa aplikimeve të reja të cilat do të mund të merren falas përmes internetit. /Bulqiza Online/
]]>
Këngëtarja Lady Gaga është shfaqur si asnjëherë tjëtër me veshjet e saj super të vecanta dhe të cuditshme. Gaga ka pozuar për revistën “Vogue’ e veshur me bikini ngjyre mishi kafshesh. Veshja e saj ka shkaktuar zemërim në organizatën e të drejtave të kafshëve Ingrid Newkirk presidentja e saj eshtë shprehur: “Puna e Lady Gagës është të bëjë gjëra ekzotike”. /Bulqiza Online/
]]>
Një kolumbian me gjatësi 70 centimetra është shpallur personi më i shkurtër në botë dhe ka hyrë në rekordin botëror Guinness. Edward Nino Hernandez është personi për të cilin bëhet fjalë. Hernandez, 24 vjec peshon 10 kilogram dhe ka deklaruar se ndihet i gëzuar meqe është unik. Profesioni i tij është kërcimtar. Rekordi i mëparshëm mbahej nga He Pingping nga Kina që ka qënë 4 centimetra me i gjatë, por ka ndërruar jetë në muajin mars te ketij viti. /Bulqiza Online/
]]>
Rezultatet e hulumtimit të fundit kanë treguar se jo harmonia në një marrëdhënie mund të shkaktojë probleme serioze shëndetësore. Është e rëndësishme marrëdhënia cilësore. Cilësia e një marrëdhënie është më e rëndësishme se fakti që ju jeni në një marrëdhënie. Megjithatë disa hulumtime të cilat sugjerojnë që njerëzit e martuar janë në përgjithësi më të shendetshëm dhe jetojnë më gjatë, por këto përfitime të martesës nuk zbatohen edhe te ata që kanë martesë jo të lumtur , të divorcuar ose të ve. Jo lumturia në martesë bën që partnerët të ndjehen keq, ndjenjë e cila gjithashtu shfaqet në shëndetin e tyre fizik, sipas një hulumtim të botuar kohët e fundit në New York Times.
Jo lumturia në martesë ka kostot e saj
Hulumtimet e përmendura tregojnë se:
- Femrat që nuk janë të lumtura në martesë ose janë të divorcuara, por ende emocionalisht të varura nga partneri i tyre, kanë një sistem imunitar më të dobët se sa femrat që kanë një martesë të lumtur ose të divorcuara.
- 24 orë pas një grindje serioze, shfaqen parregullësi në funksionimin e sistemit imunitar me të dy partnerët.
- Stresi i lidhjes mund të ndikojë në aftësinë e trupit për t’u shëruar. Në hulumtim, plagët morën një ditë më shumë për t’u shëruar me partnerët të cilët grinden, në krahasim me ata që nuk grinden. Me çiftet që treguan tension të lartë dhe nivel të lartë të sjelljes armiqësore, plagët morën dy ditë më shumë për t’u shëruar.
- Njerëzit e vetëm të sapomartuar, qoftë për shkak të shkurorëzimit apo vdekjes së ndonjërit nga partnerët, priret të kenë më shumë probleme shëndetësore nga të cilat ata kurrë nuk mund të shërohen. Hulumtimi tregoi se meshkujt dhe femrat në rrethana të tilla përballen me probleme të zemrës dhe diabetit 20 përqind më shpesh se sa ata që janë ende të martuar.
- Njerëzit e vetëm janë më të shëndetshëm se ata që janë të divorcuar ose të ve. Kjo e fundit është më e prekur në pleqëri.
- Stresi i martesës dhe problemet e zemrës kanë një lidhje të fortë me femrat. Femrat që përballen me nivelin më të lartë të stresit të martesës, rrisin mundësinë e një sulmi në zemër . lidhja në mes stresit të martesës dhe problemet e zemrës nuk është e konfirmuar tek meshkujt.
- Në nje martesë të lumtur, prekja e partnerit ka një efekt pozitiv dhe redukton ndjenjat negative. Nëse keni një partner të tillë, ju ndjeheni më pak të frikësuar dhe trupi juaj formon një lidhje të fortë me trurin. Prekja e partnerit në një martesë të pakënaqur, shpesh shkakton siklet.
Jo lumturia në martesë shkakton probleme tjera
Përveç problemeve shëndetësore të lartëpërmendura, një martesë e pakënaqur mund të ketë edhe pasoja të tjera negative. Disa njerëz kanë probleme me organe tjera në trup që nuk zhduken për një kohë të gjatë. Shenjat e dukshme të një martese të pakënaqur janë edhe qarqet e errëta rreth syve, probleme të lëkurës, flokët e dobta dhe zbehjes. Përveç shenjave fizike, gjendja e keqe shkakton edhe depresion psikik apo ndryshime të papritura në humor.
E gjithë kjo dëshmon se çështja kryesore nuk është nëse ju keni një marrëdhënie apo jo, por nëse marrëdhënia juaj është e mirë apo e keqe./Bulqiza Online/
]]>
Ndryshe nga herët e tjera këngëtarja simpatike Emmy në klipin e saj të titulluar “Ama jep” ka prezantuar një imazh dhe një performancë mjaft seksi. Këtë verë Emmy, është paraqitur me një look special dhe me një trup mjaft perfekt. Kjo vihet re qartë edhe nga fotot e saj. Sikurse këngëtaret e tjera edhe ajo nuk i ka shpëtuar objektivit të aparatit gjatë pushimeve në bregdet. Edhe pse stina e verës për të dhe koleget e saj ishte e mbushur me koncerte, koha për relaks siç duket gjendet gjithmonë. /Bulqiza Online/
Ishulli i Sazanit qëndron në heshtje mes Jonit dhe Adriatikut në krye të gjirit të Vlorës. Vazhdon të presë që dikush të kujtohet për të dhe thesaret që ai mbart. Historia i kryqëzohet dhe i përplaset fort brigjeve, duke shënuar gjurmët e veta joshëse, jo vetëm për studiuesit dhe arkeologët, por edhe për oreksin e turistëve. Në këtë foto galeri po ju paraqesim disa nga pamjet e ishullit të mrekullueshëm ende të pa eksploruara. /Bulqiza Online/
Komiteti i Jashtëm Europarlamentar u shpreh pro liberalizimit të vizave me Shqipërinë dhe Bosnjën në mbledhjen e mbremjës në Strasburg. Bazuar në rekomandimin e raportueses së këtij Komiteti, Sarah Ludfort, eurodeputetët i bëjnë thirrje Komitetit për Çështjet e Brendshme, Lirisë dhe Drejtësisë, që është dhe forumi përgjegjës i legjislativit europian për vizat, që të miratojë propozimin e Komisionit.
Gjatë seancës nuk pati diskutime, dhe eurodeputetja Ludfort siguroi 41 vota pro, ndërkohë që vetëm 2 eurdeputetë votuan kundër, ndërsa 3 të tjerë abstenuan. Komitetit të Jashtëm i kërkohej mendimi lidhur me propozimin legjislativ të Komisionit Europian për kalimin e dy vendeve të rajonit në të ashtuquajturën listë e bardhë Shengen.
Tashmë pritet vota nga komiteti përgjegjës, ai për Çështjet e Brendshme, Lirisë dhe Drejtësisë, e më pas miratimi i draftit të Tanja Fajon në seancë plenare të fund shtatorit ose tetorit, në varësi të dorëzimit me shkrim të raportit vlerësues të ekspertëve nga Komisioni Europian. /TCH/
Vlera e saj është madhështore, për atë se kjo natë ka dëshmuar zbritjen e Kuranit, i cili e drejton të kapurin për të në rrugën e krenarisë e nderit, dhe e ngre atë në vendet e lavdisë e përjetësisë. Ummeti Islam, i cili pason Sunnetin e të Dërguarit të tij hap pas hapi, nuk ngre flamuj në këtë natë dhe as harqet për të gëzuar, por ai garon në ngjalljen e kësaj nate me namaz e adhurim, me besim e shpresë për shpërblim nga Allahu.
Në vijim, vëlla musliman, po përmendim ajetet Kuranore dhe hadithet profetike që kanë të bëjnë me këtë natë:
1. Vlera e saj:
Mjafton për vlerën e natës së Kadrit fakti se ajo është më e mirë se një mijë muaj. Allahu i Lartëmadhëruar thotë: “Ne e zbritëm atë (Kuranin) në natën e Kadrit. E ç’të bëri ty të dish se ç’është nata e Kadrit? Nata e Kadrit është më e vlefshme se një mijë muaj! Me lejen e Zotit të tyre, në të zbresin engjëjt dhe shpirti (Xhibrili) me të gjitha vendimet. Ajo (që përcakton Zoti) është paqe deri në agim të mëngjesit.” [El Kadr:1-5].
Në këtë natë vendoset çdo çështje e Vullnetit dhe urdhëresave (për vitin e ardhshëm). Allahu në Kuran thotë: “Ne e zbritëm atë në një natë të bekuar (në natën e begatshme të Kadrit). Vërtet që Ne gjithnjë po këshillojmë. Këtë natë vendoset çdo çështje e Vullnetit dhe urdhëresave. Urdhër i përcaktuar nga Vetë Ne. S’ka dyshim se Ne dërguam të Dërguar. (E zbritëm) Si Mëshirë nga Zoti yt; Ai është Gjithëdëgjuesi, i Gjithëdijshmi.” [Duhan: 3-6].
2. Koha e Natës së Kadrit:
Është transmetuar nga i Dërguari i Allahut (Paqja dhe Bekimi i Allahut qofshin mbi të!) se ajo natë është nata e njëzetë e një, apo e njëzetë e tre, apo e njëzetë e pestë, apo e njëzetë e shtatë, apo e njëzetë e nëntë, apo nata e fundit e Ramazanit.[1]
Imam Shafiu (Allahu e mëshiroftë!) thotë: “Sipas mendimit tim, e Allahu e di më së miri, i Dërguari i Allahut (Paqja dhe Bekimi i Allahut qofshin mbi të!) përgjigjej në varësi të pyetjes që i drejtohej. Dikush p.sh. i thoshte: A t’a ruajmë atë në filan natë? Ai përgjigjej: Ruajeni në këtë natë.”[2]
Fjala më dominuese është se Nata e Kadrit është një nga netët e dhjetëditëshit të fundit të Ramazanit dhe për këtë argumenton edhe hadithi të cilin e transmeton Aisheja(Allahu qoftë i kënaqur prej saj!) se: “I Dërguari i Allahut (Paqja dhe Bekimi i Allahut qofshin mbi të!) në dhjetëditëshin e fundit të Ramazanit thoshte: Kërkojeni Natën e Kadrit në netët teke të dhjetëditëshit të fundit të Ramazanit.”[3]
Nëse njeriu dobësohet dhe nuk mundet, së paku të mos dorëzohet në shtatë netët e fundit, për shkak të hadithit që është transmetuar nga Ibën Umeri i cili ka thënë: I Dërguari i Allahut (Paqja dhe Bekimi i Allahut qofshin mbi të!) ka thënë: “Kërkojeni atë në dhjetëshin e fundit, e nëse dikush nga ju dobësohet apo i rëndohet gjendja, së paku të mos dorëzohet në shtatë të mbeturat.”[4]
Ky hadith sqaron edhe fjalën tij (Paqja dhe Bekimi i Allahut qofshin mbi të!) që thotë: “Po shoh se ëndërrat tuaja janë përputhur me njëra-tjetrën, kështu që kush dëshiron t’a kërkojë atë (Natën e Kadrit), t’a kërkojë në shtatë netët e fundit (të Ramazanit).”[5]
Dhe ajo që është e njohur në Sunnet, është se njohja e kësaj nate është ngritur (e paditur) për shkak se njerzit u grindën, siç transmeton Ubadetu ibën es Samit (Allahu qoftë i kënaqur prej tij!) se ka thënë: “I Dërguari i Allahut (Paqja dhe Bekimi i Allahut qofshin mbi të!) doli në natën e Kadrit dhe pa dy burra prej muslimanëve që po grindeshin me njëri-tjetrin. Atëherë ai tha: “Unë dola që t’ju njoftoj për natën e Kadrit, mirëpo filani dhe filani u grindën, e për këtë shkak ajo u ngrit (njohja e saj u fsheh), e ndoshta kjo ka qenë më e mirë për ju. Megjithatë, ju kërkojeni atë në nëntëshin, shtatëshin, dhe pesëshin (e fundit) – ndërsa në një transmetim tjetër thuhet: në shtatëshin, nëntëshin dhe pesëshin-.”[6]
Vërejtje:
Janë transmetuar disa hadithe që na orientojnë në atë se nata e Kadrit është në dhjetëshin e fundit të Rmazanit, ndërsa në disa hadithe të tjera thuhet se ajo është në netët teke të dhjetëshit të fundit. Të parët janë përgjithësues ndërsa të dytët të posaçëm, e siç dihet; e posaçmja paraprihet ndaj të përgjithëshmes.
Pastaj kanë ardhur hadithe që na orientojnë në atë se ajo natë është në shtatë netët e mbetura nga Ramazani, por kjo është e kufizuar me pamundësinë dhe dobësinë, kështu që nuk shkakton ndonjë problem.
Kështu kemi harmonizim të haditheve e jo kundërshtim mes tyre, përputhje e jo ndarje.
Si përfundim, muslimani duhet ta kërkojë natën e Kadrit në netët teke të dhjetëshit të fundit të Ramazanit: natën e njëzetë e një, e njëzetë e tre, e njëzetë e pesë, e njëzetë e shtatë dhe e njëzetë e nëntë. E nëse dobësohet apo nuk ka mundësi në kërkimin e saj, atëherë t’a kërkojë në shtatëshin e mbetur nga Ramazani: natën e njëzetë e pestë, të njëzetë e shtatë dhe të njëzetë e nëntë. E Allahu e di më së miri.
3. Si e kërkon muslimani Natën e Kadrit?
Kjo natë është nata më e bekuar. Personi që e humb atë, vërtet ka humbur një të mirë të madhe, e nuk ka mundësi me e humb atë, veçse i ndaluari prej saj. Për këtë shkak, kërkohet nga muslimani i cili përpiqet t’i bindet Allahut, që t’a ngjallë këtë natë dhe ta kalojë atë në adhurim dhe kërkim të shpërblimit të madh të saj. Nëse ai e bën këtë, atij i fallen të gjitha mëkatet e mëparshme.
I Dërguari i Allahut (Paqja dhe Bekimi i Allahut qofshin mbi të!) thotë: “Kushdo që fal namaz të natës në natën e Kadrit, me Iman (besim të fortë) dhe duke kërkuar shpërblimin, atij do t’i falen të gjitha mëkatet e mëparshme.”[7]
Po ashtu, është e rekomandueshme të shtohen lutjet në këtë natë. Aisha (Allahu qoftë i kënaqur prej saj!) transmeton se ajo kishte pyetur të Dërguarin e Allahut, (Paqja dhe Bekimi i Allahut qofshin mbi të!): “O i Dërguari i Allahut! Sikur unë t’a dija se cila ishte Nata e Kadrit, si të lutesha në të?
Thuaj: “Allahume inneke afuun tuhibbul afua fe afu ani” – O Allah! Ti je Falës dhe e do faljen, pra më fal mua!”[8]
Vëlla, Allahu të dhëntë të mira dhe të mundësoftë në bindjen ndaj Tij, e mësove tashmë se çfarë nate është kjo natë, kështu që ngjalle atë me adhurim dhe largim nga gruaja (nga marrëdhëniet intime) dhe urdhëro familjen tënde për këtë. Shtoji adhurimet në të.
Aisheja (Allahu qoftë i kënaqur prej saj!) thotë: “Kur fillonin të dhjetat [e fundit të Ramazanit], Pejgamberi (Paqja dhe Bekimi i Allahut qofshin mbi të!) e shtrëngonte izarin e tij[9], e kalonte tërë natën zgjuar [në namaz] dhe e zgjonte familjen e tij.”[10]
Transmetohet gjithashtu nga Aisha (Allahu qoftë i kënaqur prej saj!) se ka thënë: “I dërguari i Allahut (Paqja dhe Bekimi i Allahut qofshin mbi të!) përpiqej më shumë [në adhurim] në dhjetë netët e fundit (të Ramazanit) sesa në çdo natë tjetër.”[11]
4. Shenjat e kësaj nate:[12]
Dije, o ti rob rrespektues, Allahu të ndihmoftë e të përkrahtë me Ndihmën e Tij, se i Dërguari i Allahut (Paqja dhe Bekimi i Allahut qofshin mbi të!) e ka përshkruar me disa cilësi mëngjesin e natës se kadrit, me qëllim që muslimani ta dijë se cila natë është ajo:
Transmeton Ubej (Allahu qoftë i kënaqur prej tij!), se i Dërguari i Allahut (Paqja dhe Bekimi i Allahut qofshin mbi të!) ka thënë: “Mengjesin e natës se Kadrit, dielli lind pa rrezatim, sikur të ishte tas, derisa të ngrihet lart.”[13]
Ebu Hurejra (Allahu qoftë i kënaqur prej tij!) thotë: Përmendëm një herë Natën e Kadrit te i Dërguari i Allahut (Paqja dhe Bekimi i Allahut qofshin mbi të!) dhe ai tha: “Cili nga ju e kujton hënën kur lind? Kur është në formën e gjysmës së koshit?”[14]
Ibën Abasi (Allahu qoftë i kënaqur prej tij!) transmeton se i Dërguari i Allahut (Paqja dhe Bekimi i Allahut qofshin mbi të!) ka thënë: “Nata e Kadrit është natë bujare, e lirshme, as e nxehtë e as e ftohtë. Në mëngjesin e saj dielli lind i dobët dhe me ngjyrë të kuqe.”[15]
Shkeputur nga libri: Agjërimi i Muhamedit (alejhi selam) në Ramazan, Autor: Selim el Hilali & Ali el Halebi
rrugetepaqes.net
Fundnota
[1] Mendimet për këtë janë të shumta e të ndryshme. Imam el Iraki ka shkruar një broshurë të posaçme për këtë, të titulluar “Sherh es Sadër bi dhikri Lejletil Kadër”, ku ai ka përfshirë të gjitha fjalët e dijetarëve në këtë çështje.
[2] Këtë e ka përcjellë nga ai imam el Begavi në “Sherh Es Suneti” (6/388).
[3] Transmeton Buhariu (4/225) dhe Muslimi (1169).
[4] Transmeton Buhariu (4/221) dhe Muslimi (1165).
[5] Shih shënimin e mëparshëm.
[6] Transmeton Buhariu (4/232).
[7] Transmeton Buhariu (4/217) dhe Muslimi (759).
[8] Transmeton Tirmidhiu (3760) dhe Ibën Maxhe (3850) nga Aisheja. Zinxhiri i tij është i saktë.
[9] D.m.th. ai largohej nga gratë e tij me qëllim për të pasur më shumë kohë për adhurim.
[10] Transmeton Buhariu (4/233) dhe Muslimi (1174).
[11] Muslimi (1174).
[12] Në popull fliten shumë shenja dhe thashetheme për natën e Kadrit, si dhe bindje të kota, prej të cilave është edhe fjala e tyre se pemët bëjnë sexhde, ndërtesat flenë! etj, etj.
Sigurisht që këto janë të kota të dukshme dhe lajthitje të qarta.
[13] Transmeton Muslimi (762).
[14] Transmeton Muslimi (1170).
Për fjalën “gjysëm koshi”, Kadi Ijad thotë: Kjo tregon se kjo natë gjendet në dhjetëshin e fundit të mujit, sepse hëna nuk ka mundësi me qenë në këtë gjendje kur lind, por në fund të muajit.
[15] Transmeton et Tajalesi (349), Ibën Huzejme (3/231) dhe el Bezar (1/486). Zinxhiri i tij është i mirë. /Bulqiza.Net/
]]>
Robinho ju bashkangjit sot Milanit për të kompletuar aktivitetin e tyre të vonshëm në këtë merkato verore. Milan ka kompletuar transferimin e Robinhos nga Mançester Siti me kontratë katër vjeçare- konfirojnë burime nga klubi milanist në webfaqen e tyre zyrtare.
Futbollisti ka përfunduar kontrollin medicinal dhe Milani do të paguajë shërbimet e tij për shumën prej 18 Milionë Euro bonus edhe pse vlera nuk ishte caktuar zyrtarisht në marveshje. ”Unë jam tashmë një futbollist i Milanit”-citon ai për të përditshem italiane Sky Sport duke konfirmuar zhvendosjen e tij nga City në San Siro. Robinho kompleton së bashku me Ronaldinjon,Ibrahimoviç e Paton njërin ndër sulmet më të mira në Europë për këtë sezon. /Bulqiza Online/
]]>
Milani përfundimisht ka arritur marëveshjen me Barcelonën për transferimin e sulmuesit suedez Zlatan Ibrahimovic në San Siro. ”Ne jemi pajtuar për huazimin e Ibrahimovic te Milani, me të drejtën e blerjes së lojtarit me vlerën e 24 milionë Eurosh (30.53 milionë dollar) -shprehet drejtori ekzekutiv i Milanit Adriano Galliani. ”Ai do të bëjë vizitat mjekesore të hënën dhe do të nënshkruajë kontratë katër-vjeçare me Milanin”- deklarojnë burime nga klubi milanist. /Bulqiza Online/
]]>